مقتطفات من الرواية
صوت جرس الباب بيرنمايا بتفتح عينيها على الصوت بتقوم من ع السرير سامعة صوت باباها و جدتها بره بتقوم تقف قادم المراية تبص بحزن على جمالها و ملامحها الاوروبية عيونها الزرقا و بشرتها البيضا و شعرها الاشقر بتقرب من المراية و بتلاحظ الهالات السودا تحت عينيها و بتلمسها
باب الاوضة بيخبط .. بيتفتح الباب
بتقر منها نسرين " حامل في الشهور الاخيرة " و بتسلم عليها بتفرح مايا لما تشوفها فرحة مكسورة بيحضنوا بعض
" حمدالله على السلامة يا نسرين .. كده متجيش من بدري " " معلش يا مايا .. ممدوح ماعرفش ياخد اجازة الا يومين بس "
" يعني مش هتقعدي معايا شوية "
" معاكي فين يا بنتي .. ده انتي كلها كام ساعة و فارس هياخدك على عش الحب و طير يا حمام "
نسرين بتضحك و هي بتغني ... مايا بتحاول تبتسم .. متقدرش ... تلاحظها نسرين
" مالك يا مايا "
" متضايقة .. خايفة .. مش عارفة "
" معلش مش هتخافي اكتر مني .. ده أنا يوم الفرح كنت مرعوبة بس بدل بتحبي عريسك و هو بيحبك متخافيش من أي حاجة "
مايا بتسكت مبتردش .. بتبص لها نسرين
" ايه ده يا مايا ... وشك بان عليه الاجهاد .. انتي مش نايمة كويس ؟ "
" بقالي بتاع اسبوع مبنمش .. لو عرفت انام ساعتين يبقى من الله "
بيرن موبايل مايا ع السرير .. بتمسكه نسرين ... و ترد
" الو ... لا مش حبيبتك .. جيت من ساعة بس .. و انت كمان واحشني يا فارس .. الف مبروك ربنا يتمم بخير .. خلي بالك من مايا أنا بقولك اهه .. أنا عند نينة تحت .. اه طبعا هاطلع اسلم على خالتي ... ممدوح وصلني و خرج شوية .. مايا معاك اهي "
بتناول مايا التليفون .. مايا بتاخده
" أنا يدوب سلمت لى ماما و نزلت لك .. هطلع اسلم على خالتي عشان متزعلش .. لما تخلصي و تفطري و تفوقي رني عليا انزلك "
" هتيجي معايا الكوافير مش كده ... متسبنيش يا نسرين انهارده بالذات "
" حاضر يا حبيبتي ... جاية معاكي طبعا "
اخدت مايا التليفون .. و خرجت نسرين من الاوضة
" الو "
" صباح الخير يا حبيبتي "
" صباح النور "
" أنا رايح الشقة اودي اكل .. عايزاني اخد حاجة و أنا رايح "
" لا .. فارس أنا عايزة اتكلم معاك "
" خير؟ "
" موضوع مهم ... ينفع تنزلي نتكلم "
" طيب حاضر .. هلبس و انزلك "
فارس قفل مع مايا و كمل لبسه .. خرج من الاوضة راح لباباه اللي كان قاعد يقرا الجورنال
" صباح الخير يا بابا "
" صباح النور يا عريس .. مبروك يا ابني "
جت حياة من المطبخ
" الاكل اللي هتشتريه يا فارس اوعى تسيبه بره التلاجة .. الجبن ع الرف اللحوم ف الفريزر "
فارس " حاضر يا ماما "
بيانات الرواية
تأليف: دينا عماد
عدد الصفحات: 220 صفحة
الحجم: 1 ميجا بايت
تعليقات
إرسال تعليق